Menu

Seniorenferien 2019

Leitungsteam<div class='url' style='display:none;'>/</div><div class='dom' style='display:none;'>gottstatt.ch/</div><div class='aid' style='display:none;'>6</div><div class='bid' style='display:none;'>553</div><div class='usr' style='display:none;'>6</div>
Bericht aus den Seniorenferien an der Lenk
Daniela Kuchen,
Die Feriewuche a dr Länk isch schön gsi, das me se nid so gleitig tuet vergässe. Vo de guete Vorbereitige hei mir aui chönne profitiere. Marcel u Erika Gasser hei das zäme mit dr Theres Krebs vo dr Büre-Gruppe parat gmacht. Was mer hei dörfe erläbe isch im Detail planet worde. Ds Hotäu isch gäbig gsi u z’Ässe heut aune passt. Für jede Tag isch e Usflug planet gsi, wo me het chönne teilnäh oder nid. Am Morge het e Andacht stattgfunde mit eim vo üsne Pfärrer. Idruck het mer Gschicht gmacht wo d’Esther vorgläse het, wo Jesus mit wenig Brot u Fisch het chönne Tusigi satt mache. Wie schön wärs, we mir üses Brot o chönnti mit Hungerige teile. U Gschicht vom Adrian, wo dr rich Zachäus sech entschlosse het, si Richtum wider dene z’verteile wo är nes früecher unrächtmässig abgno het.
Am erschte Usflugstag si mer mit dr Gondle uf e Bättubärg. Dört obe tüe d’Auperose grad afa blüeie. Dr Bluemewäg isch schön zum wandere. Ds Bahnpärsonau het es guets Oug u hiuft de Lüt bim y u usstige. Am 2. Tag si mer mit em Bus zu de Simmefäu. Die Mängi Wasser vo Gwitter u Schneeschmeuzi wo dört abebruse, u das au Tag sit Mönschegedänke, isch idrücklich. Im überfüute Poschtouto isch dr Schofför so ruppig gfahre wie wenn är es Fueder Steine hätti ufglade gha. Am 3. Tag isch d’Iffigeaup uf em Programm gsi. Dört obe hei mer z’Nüni gno. O ne Aup-Betrieb mit schöne subere Chüe u guet gformte Hörner hani gse. Dr Senn het mächtig Stouz uf siner Chüe. Natürli ghört zu ne re Sennerei o e Chäslade. Am 4. Tag si zwo Müglechkeite parat gsi. E Teu vo üs isch uf e Büubärg, die angere chlei höcher ufe uf d’Metsch. Bedi Gruppe si uf ihri Rächnig cho, mir hei is z’fride u zwäg im Hotäu wider troffe. Am Fritig am Morge hei mer mit em ne z’fridene Gsicht d’Länk verlo. Nid dr glich Wäg zrugg gäge hei, mir si über e Jaunpass Richtig Greyerz gfahre. Dört hei mer no ds Chäszäntrum Gruyère chönne besichtige. Viu vo üs hei sone moderni Chäserei no gar nie gse. Isch doch dr Gruyère Chäs i viune Länder bekannt. Dört hei mer o grad chönne Zmittag ässe. Jetz geits gäge hei.
Mir hei au Tag die schöni Bärgwäut chönne betrachte, u hei Glück gha mit em Wätter. Am Tag schön, em Obe es Gwitter zur Abchüelig.
Fründlig hei mer is i üser Gägend uf Widerluege gseit. Die Gruppe us Büre het guet zu üs passt. No einisch dr Reiseleitig härzliche Dank. Es isch z’empfäle die Feriewuche wider dürezfüere.

Hans Minder, Scheuren

Ähnlich

Kirchgemeinde Gottstatt
Gottstattstrasse 29
2552 Orpund
032 355 30 11
Verantwortlich für diese Seite: Daniela Kuchen
Bereitgestellt: 17.07.2019